क) सामान्य व्यक्तिगत नामसारी

• मोटरसाइकलको सक्कल फाइल र ब्लुबुक। फाइल आफूसँग नभएमा फाइल भण्डार शाखाबाट बुझिलिने।
• नामसारी फाराम, रु. १० को टिकट टाँस गरिएको।
• चालु आर्थिक वर्षसम्मको कर तथा नामसारी दस्तुर तिरेको रसिद।
• सवारीको Tax Print।
• बिक्रेता र खरिदकर्ता दुवैको सक्कल नागरिकता तथा खरिदकर्ताको नागरिकताको प्रतिलिपि।
• खरिदकर्ताको हालसालै खिचिएको पासपोर्ट साइजको ३ प्रति फोटो।
• म्याद बाँकी रहेको तेस्रो पक्ष Third Party Insurance।

ख) संस्थागत नामसारी

• संस्थाको नामबाट नामसारी गरिदिने र आधिकारिक प्रतिनिधि तोकिएको सक्कल पत्र।
• संस्था दर्ता प्रमाणपत्र तथा PAN/VAT दर्ता प्रमाणपत्रको प्रमाणित प्रतिलिपि।
• संस्थाको पछिल्लो आर्थिक वर्षको कर चुक्ता प्रमाणपत्रको प्रतिलिपि र संस्थाको छाप।
• अद्यावधिक शेयर लगत प्रमाणपत्रको प्रतिलिपि।
• सञ्चालक समिति वा शेयरधनीहरूले सवारी खरिद वा बिक्री गर्ने सम्बन्धमा गरेको आधिकारिक निर्णयको प्रतिलिपि। निर्णय बहुमत शेयरधनीबाट भएको हुनुपर्नेछ।

ग) मृत्यु नामसारी

• सम्बन्धित वडा कार्यालयबाट जारी भएको नजिकको हकवाला खुलेको किटानी सक्कल सिफारिस पत्र।
• सवारी धनीको मृत्यु दर्ता प्रमाणपत्रको सक्कल र प्रतिलिपि।
• हकवालाको नागरिकता प्रमाणपत्र र हालसालै खिचिएको फोटो।
• अन्य हकवालाहरू भएमा उनीहरूको मञ्जुरीनामा वा सनाखत पत्र।

घ) सवारी धनी विदेशमा भएको अवस्था

• सम्बन्धित देशमा रहेको नेपाली राजदूतावासबाट जारी भएको आधिकारिक अधिकृत वारेसनामा (Power of Attorney)।
• अधिकृत वारेसनामाका लागि राजस्व तिरेको रसिदको प्रतिलिपि।
• सम्बन्धित राजदूतावासबाट कार्यालयको इमेलमा वारेसनामा पठाउन सम्भव नभएमा, वारेसनामा दिने व्यक्तिको इमेलबाट कार्यालयको आधिकारिक इमेलमा पठाउनुपर्ने।
• वारेसनामा प्राप्त गर्ने व्यक्तिको सक्कल नागरिकता तथा निज स्वयं उपस्थित हुनुपर्ने।